J. Stowell & Atlantic Bridge

John Stowell, guitarrista estadounidense nado en Nova York en 1950 e afincado en Portland (Oregón), leva corenta anos ensinando por todo o mundo e ten unha longa discografía en Origin Records. Nat Hentoff escribiu que fai soar a guitarra eléctrica coma unha voz.

Con Alberto Conde, Kin García e Miguel Cabana gravou na Coruña I Wish (Tiny Moon, 2024), entre standards e temas propios. O trío toma o nome de Atlantic Bridge, o proxecto que une o jazz ibérico e o norteamericano. A noite forma parte da xira europea de outono de Stowell.

• John Stowell, guitarra
• Alberto Conde, piano
• Kin García, contrabaixo
• Miguel Cabana, batería

Dous pases, ás 21:30 e ás 23:00; 12 € cada pase; aforo limitado. johnstowell.com