Alejandro Vargas trío

Alejandro Vargas, pianista e compositor nado en Holguín (Cuba) en 1980 e titulado como concertista no ISA da Habana, tocou con Irakere e a dous pianos con Chucho Valdés, e gañou o Cubadisco de jazz de 2008 con Trapiche. Chegou a Galicia en 2009 como director musical do proxecto Descarga ao Vivo e vive en Santiago.

O seu trío leva os standards e a música popular cubana á improvisación libre, con obxectos sonoros e lembranzas do órgano oriental do campo cubano, do changüí ao mambo de Pérez Prado. Con el, o baixista e cantante habaneiro Reynier Aldana e o batería Carlos Freire, que xa tocaba no trío en 2014.

• Alejandro Vargas, piano
• Reynier Aldana, baixo e voz
• Carlos Freire, batería

Dous pases, ás 21:30 e ás 23:00; 12 € cada pase. alejandrovargas.info