A Standard Conspiracy

A Standard Conspiracy é a banda do batería Antón Quintela: unha formación aberta, cun elenco que cambia de concerto en concerto, que revisita composicións convertidas en standards dos cancioneiros de todo o mundo. Volve a Jazz Filloa, onde tocou en setembro de 2025 e en febreiro e abril deste ano.

Desta volta, con Quintela están o contrabaixista galego Pablo Patiño, que debutou como líder con Flor (Tiny Moon Records) e toca con el no Trío Wito; o saxofonista tenor Gil Silva, co que Quintela tocou a dúo no ciclo Porta-Jazz do Porto en 2024; e o pianista Ricardo Moreira.

• Gil Silva, saxo tenor
• Ricardo Moreira, piano
• Pablo Patiño, contrabaixo
• Antón Quintela, batería

Dous pases, ás 21:30 e ás 23:00; 15 € cada pase.